बहिणीची माया

आईसारखे असते तिचे प्रेम

आईसारखीच तिची माया

आईनंतर असते बहिणीची

आपल्या भावावर छत्रछाया

जरी चालू असेल सदा खोडी

भावाची करते ती लाडीगोडी

प्रेमाचे बंधन कधीही ना तोडी

बहीण-भावाची ही अतूट जोडी

किती वेदना होत असतील त्याला

ती लग्न होऊन सासरी जाताना

बहीण पाहते भावाच्या डोळ्यात

अश्रूचा महापूर वाहतांना

तिला नको असते धन दौलत

नको असते गाडी नि बंगला

इच्छा एकच जीवनात मिळावं

प्रेमाने पाहणारा भाऊ चांगला