भारत

भारताचा मुकुट शोभे

हिमालय उत्तुंग हा

करी रक्षण भारताचे

ताठ मानेने उभा

काश्मीर असे स्वर्ग

बोलत नाही खोटं

जपूया सुंदरता

नको गालबोट

पंजाबचे पुत्तर 

देशासाठी प्राण त्यागती

लस्सी नि पराठ्याची चव

जिभेवर रेंगाळती

आग्र्याचा ताजमहाल

आश्चर्य असे एक 

परदेशी पर्यटकही

भेट देती अनेक

सरदार पटेलांनी 

योगदान दिले देशाला

गुजरातमध्ये नमन 

करा त्यांच्या पुतळ्याला 

महाराष्ट्र आमुचा न्यारा

इथली लज्जत न्यारी 

हिमालयाला वाचवायला 

उभा सह्याद्री 

दक्षिण भारताचा विकास

होई झपाट्याने

विज्ञान तंत्रज्ञानात 

मजल मारली भारताने 

बंगालची गोडी

रसगुल्ल्यात दिसते 

कवी टागोरांचे जन्मस्थान

साऱ्यांना भावते 

ईशान्य भारत आग्नेय भारत

आपलेसे वाटतात

नैऋत्य भारत वायव्य भारत

सुंदर भासतात 

जगात ह्या भारत

असा देश आहे

प्रत्येक राज्यात जिथे

विविधता नांदे

सलाम या भारताला

करूया मनापासून

करूया महान याला

सुरुवात आपल्यापासून