भाग्यविधाता

मीच माझा शिल्पकार

माझे हे कर्म विधान

भाग्य हे मी घडविले

वाट ही ध्येय प्रधान

हात माझे कारागीर

श्रम माझी हीच शक्ती

उद्देशाचे रक्त धावे

कामा प्रती हीच भक्ती

पायवाट ही चालतो

मन माझे हे खंबीर

श्रद्धा आहे सेवेप्रती

झिजवून चंदन शरीर

माझा मी भाग्यविधाता  

आत्मशक्ती हेच धन

मार्ग हेच ध्येयाप्रती

आशा दाखवितो मन

ऋण माझे फेडण्यास

देऊ घामाचे हे मोती

रक्त देहाचे जाळून

पेटविला देह ज्योती