बैल पोळा
बैल पोळा
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
40
सण धवळ्या काळ्याचा
चला साजरा करूया
ऋण व्यक्त करण्याचा
आज दिवस आया
स्नान करून सुंदर
तन मोहक जाहलं
डोळे भरून पाहतो
माझ्या जोडीचे नवलं
बैल घूंघुर माळांनी
साजे नंदिवानी रूप
अंगी टाकुनिया झुल
वाटे मजला अप्रूप
तीक्ष्ण शिंगांचा तो डौल
चाल त्याची ऐटदार
मन प्रफुल्लित होई
रूप त्याचे मजेदार
पूजा विधी आटोपून
देई गवत खायाला
खीर पुरण पोळीचा
केले गोड जेवणाला
बैल पोळ्याचा उत्सव
गुण्या गोविंदाने केले
काळया आईचे पाईक
जणू कृतकृ्त्य झाले