बालपण

हुंबरटाच्या आतले जग

आड्यावरचा झोपाळा

घोंघड्यावरचे खेळ

उतवावरील तूप आणि दुध

बालपण एक गोजिरवाणं फुल

मांडीवर घेऊन आई

पेटवत असे चूल

अंगण हे पाऊलांची चाहूल

वृंदावन मायचे तिथे स्थल

कोयना मायचे वाहे जल

मांडे दिवस रात्र तिथे खेळ

शाळेचा तो पहिला दिन

नवा गणवेश नवे ठिकाण

जणू रडण्या रूसण्याचा तो सण

काळ्या पाटीवर पेन्सिलने रेखाटन

हळूहळू वहीवर ते लिहीणं

शाळा हा पिंजरा मुक्तछंदाचा

गुरूजींच्या काठीचा आवाज धाकाचा

शाळेतून पळून गेलो की तो दिवस मस्तीचा

मित्रांबरोबर दिवस सारा खपवायचा

खेळ खेळत खेळ नाही संपवायचा

उगाच मोठा जबाबदार झालो

जगण्याचा वाटा दुसऱ्याच्या

पावलावर चाललो

ते बालपण मागे सारून

मी झुरत बसलो

का मी मोठा झालो?