अतूट बंध

नाते असो कोणतेही

विश्वासाने जोडुया

बांधुया रेशीम बंध

आजन्म तयास निभवूया

समर्पण असते त्यात

त्याग असतो महत्वाचा

शुध्द होते नाते त्याने

कस लागतो सहनशीलतेचा

समजून समजणे

जगणे आणि जगू देने

दुर्गुण दुर्लक्षिने

हे भाव असावे अंतकर्णाने

सुखात अनुभवा सरी

दुःखात पुसा अश्रूंच्या धारी

मार्ग दाखवा प्रगतीचा

विश्वास असावा ईश्वरावरी

नाते जपा मैत्रीचे

नाते असो कोणतेही

त्यात असावा प्रेमभाव

तार मनाच्या जुळूद्या

काय वर्णावे नाते

नाते हे नात्यापलिकडचे

सोडुया फक्त अहंकार

मोती जुळतील सुंदर माळेचे