अशी असावी कविता

शब्दांमधून मिळावी, स्फूर्ती छान

कवितेतून घडावी, उत्क्रांती महान

अशी असावी कविता आपली

मांडणी असावी, सुख दुःखातली//१//

बोध मिळावा कवितेतून साऱ्यांना

मानसिक समाधान मिळावे इतरांना

कविता असावी सदा उबदार

कविता असावी नेहमी रुबाबदार//२//

कविता अशी मनावर ठसावी

कविता सदा आपली भासावी

शब्द वापरावे जरा जपून

वाद उठणार नाही कुणाकडून//३//

कवितेच्या जगात करावी भटकंती

ज्याने मिळेल मनाला शांती 

अशी असावी, कवितेची झलक

जिकडे तिकडे, कवितेचेच फलक/४/

ऊन पाऊस गार वारा

कवितेत शोभावा, मोर पिसारा

भिजणाऱ्या वाटा, नाचणाऱ्या लाटा

कवितेत असाव्या, सुंदर छटा//५//

कवितेच्या विश्वात, रमावे सगळे

त्यासाठी हवे, शब्द वेगळे

कवितेतून व्यक्त, चांगले विचार

बदलावे साऱ्यांचे, आचार विचार//६//