असे शब्द असावेत

मांसाचा नाही तर काळजाचा

वेध घेणारे असावेत

पानावरच्या शब्दांना वाचा फुटावी

असे शब्द असावेत

असत्याची कास धरणारे नाही तर सत्याला

वाचा फोडणारे असावेत

काळ्या कुट्ट पाषाणालाही

घाम फोडणारे असावेत

ओल्या चिखलासारखे गळून पडणारे नाही तर

ओल्यामध्ये वनवा पेटवणारे असावेत

शब्द हे अन्यायाला वाचा

फोडणारे असावेत

काळाला घाबरून शेपूट घालणारे नाही तर

काळाचा थरकाप उडवणारे असावेत

शब्द हे अचूक वेध

घेणारे असावेत

कोणाची चमचेगिरी करणारे नाही तर

सत्याची गरळ ओकणारे असावेत

शब्द हे वर्मी

घाव घालणारे असावेत

आगीत तेल ओतणारे नाही तर

जळत्या ज्वालांना क्षमवणारे असावेत

शब्द हे जोडणारे

असावेत