अंधश्रद्धा

आयुष्याच्या चौकोनाला असावी

श्रद्धेची झालर

पण होऊ नये अंध 

अंधश्रद्धेच्या सोंगा पुढे

घ्यावा प्रसंगा गणिक घटनांचा मागोवा

अंधश्रद्धेच्या पावलांचा

जीवंत मेंदूला पेटवून

स्वयं प्रज्ञेच्या प्रकाशात

माणसाचा इतिहास मांडणाऱ्या

सर्व अग्रणी साहित्यिकांनी

उलगडावे कोड्याचे अर्थ

संदर्भ लावूनि सत्याचा

अन् सांगावा त्यातला कार्यकारण

सोक्षमोक्ष

लिहावा प्रकाशाचा ग्रंथ

अंधश्रद्धा खोडत खोडत पानोपानी

आपल्या माणसासाठी

निकोप समाजासाठी 

खऱ्या श्रद्धेसाठी