अक्षर अक्षर जमवून

अक्षर, अक्षर जमवून

शब्द, शब्द बनवून

लिहावी चांगली कविता

सुचेल चांगले, लिहिता, लिहिता//1//

लिहणे नसावे वाईट

लिहिणे नसावे उद्धट,

नसावे काही रागीट

येऊ नये वाचताना विट//2//

आपले शब्दांचे भांडार

सरस्वतीचे सदा उघडे द्वार

करावा चांगला व्यवहार

देऊ नये शब्दांचा मार//3//

आपली मते लिहिण्यात मांडावी

विचारसरणी जगाला कळावी

जाणावे आपल्या शब्दांचे मोल

रुजावे सगळ्यांच्या मनात खोल//4//