अडगळीतले प्रश्न
अडगळीतले प्रश्न
1 min
352
अडगळीतले प्रश्न...
खरं तर ज्यांचे प्रश्न,
उत्तरेही त्यांचीच असतात..
सुकलेल्या फुलांची, अत्तरे कुठे बनतात
आपले प्रयत्न त्यापुढे, खुजे ठरतात..!!
तरीही नकोसे वाटणारे प्रश्न
उगाच मनास घेरत जातात..
अंधारलेल्या कोनाड्यात
प्रश्नांकित प्रकाश पेरत जातात..!!
पण काळोखी सरावलेले कोनाडे
उजेडात तग धरत नाही..
हे कळायला हवे उजेडासही
की अंधाराशिवाय अस्तित्व उरत नाही..!!
जगासाठी दुर्लक्षित असतील
पण कोनाड्यांचेही काही प्रश्न असतात..
अडगळीतले प्रश्न त्यांचे
कायम अडगळ बनून राहतात..!!