आयुष्याची काही पाने...

पाने काही आयुष्याची  

हलकेच मी चाळली

रडणारी हसणारी 

चाळतांना ती कळली 

काही होती अल्लडशी

वाहणाऱ्या नदीपरि

अशी निर्मळ स्वच्छंदी 

खुदूखुदू हसणारी 

गात होते कुणीतरी 

उलटता काही पाने 

होते ते ओळखीचेच 

दर्दभरी असे गाणे

होते आघात झालेले

काही त्या पानांवरती

ओरखडे जखमांचे 

मज धुसर स्मरती

आयुष्याची काही पाने

आहे तशीच ती कोरी

आहे हे विधिलिखित 

 नशिबाची खेळी सारी