आवडतं मला

आवडतं मला बालपणात रमायला

आठवणींच्या हिंदोळ्यावर झुलायला

आईच्या मागे खाऊसाठी रडायला

खाऊ मिळाल्याने आईला बिलगायला

आवडतं मला बालपणात रमायला

आजीच्या छान छान गोष्टी ऐकायला

स्वप्नांच्या दुनियेत जगायला

बाबांनी हाक मारली की

आजीच्या कुशीत शिरायला

आवडतं मला बालपणात रमायला

शाळेत मैत्रीणीसोबत वेळ घालवायला

कधी शाळेत मुद्दाम दांडी मारायला

कधी शिक्षकांच्या प्रश्नांची उत्तरे द्यायला

कधी सवंगड्यासोबत शिक्षेचा आनंद घ्यायला

आवडतं मला बालपणात रमायला

आवडत्या खेळात रंगून जायला

एखाद्या विनोदाला पोटभर हसायला

जगण्याचा आनंद घ्यायला

आवडतं मला बालपणात रमायला