आतुरता लालपरीची

लालपरी म्हणजे जणू

राणीचं ते सुंदर रूप ,

गावोगावीचा प्रवास

आज केलाय तिनं खूप !!

लालपरीच्या प्रवासात

लहान थोर सगळेच रमतात ,

पळती झाडे पाहण्याचा

आनंद मनसोक्तपणे घेतात !!

नकळत असा लालपरीला

जडला कोणता आजार ,

लालपरी च्या संपामुळे

बंद पडलाय शहरी बाजार !!

हातावरच्या पोटासाठी

कर्मचारी आले रस्त्यावरी ,

मागण्या अन् हक्कांसाठी

धाव घेतली शासन दरबारी !!

न्याय निवाड्याच्या कचाट्यात

भरडुन गेले वाहक, चालक ,

सरकारी नोकरी गमावून बसला

कर्ता करविता घराचा मालक !!

लालपरीच्या बेमुदत संपात

चला आपण सामील होऊ या ,

विजयी होऊन येत्या वर्षात

अमृत महोत्सव साजरा करु या !!