आई बाबा स्वर्ग सुखाचे घर

नऊ महीन्यांचा भार

आई झेलते उदरी ,

काळजाच्या तुकड्याला

खेळवीते हातावरी !!

धार अमृताची देई

सावरुन पदराला ,

बोट धरुनी शिकला

दुडूदुडू धावण्याला !!

खस्ता खावून जीवनी

बाप राबे दिनरात ,

घास सुखाचा मिळावा

चिंता असे ती मनात !!

तुला शिकवूणी आता

मोठा केलाय रे पोरा ,

वाईटांच्या संगतीने 

झाला लबाड तू चोरा !!

वैर भावनेचे बोल 

घात तूझा करतील ,

शिकवूनी एकमेकां

कान तूझे भरतील !!

आई बाबांच्या चरणी 

स्वर्ग सुख अनुभवा ,

सेवा करुनी तयांची

मनी शुध्द भाव ठेवा !!