मी एक स्त्री
मी एक स्त्री
मी एक स्त्री आहे
अवघ्या जगताची नारी ,
घराघरातुन बागडणारी होते
आई बाबांची लाडकी परी !!
आजच्या धगधगीच्या युगात
पोटासाठी पळतेय सैरभैर ,
तुमच्यासाठीच राबते मी
नका धरु कोणी माझ्याशी वैर !!
सावित्रीमाईंच्या लेकी आहोत
सदैव जिजाऊंपरी लढणार ,
स्त्रीशक्तीचा नारा देत आम्ही
अस्तित्वाची लढाई जिंकणार !!
समाजहितासाठी आम्ही ही झटतो
नका करु कधी आमचा तिरस्कार ,
नावारुपाला येऊद्या आम्हां स्त्रियांना
मिळुदे तुमच्या हातुनच पुरस्कार !!
वंशाचा दिवा आज ना उद्या
सर्वांच्या घरी नक्की येईल ,
दिव्यात जर का वातचं नसेल
तर सगळीकडे अंधारच होईल !!