आपला महाराष्ट्र
आपला महाराष्ट्र
मराठमोळे दागदागिने,विविध सणवार
महाराष्ट्राची संस्कृती समृद्ध करतात
व्रतवैकल्ये, लग्नाचे विधी, पाककृती
सारे संस्कृतीची कीर्ती वृद्धिंगत करतात १
शिरपेच खोवलेला शिवाजी महाराजांनी
महाराष्ट्राच्या ऐतिहासिक गडकिल्ल्यांनी
संत साहित्याची अध्यात्मिक धुरा पेललेली
ज्ञानेश्वर,तुकारामांच्या भक्तीमय अभंगांनी २
संस्कृतीचे दालन वेरूळ,अजिंठा लेण्यांचे
पंचवटी,दंण्डकारण्य महाराष्ट्राच्या भूमीचे
आजही भिलार गाव बहरले आहे पुस्तकांनी
नि कोल्हापूर,तुळजापूर मायमराठीच्या देवींचे ३
महाराष्ट्राची शान भारतरत्न लता मंगेशकर
नि अभिमान क्रिकेटवीर सचिन तेंडुलकर
स्वातंत्र्यवीर फुले,टिळक,आंबेडकर,सावरकर
राजधानी मुंबई तर आहे जगाच्या पाठीवर ४
मायमराठी सजवली थोर,दिग्गज साहित्यिकांनी
पु.ल.,अत्रे,शिरवाडकर,माडगूळकर,खांडेकरांनी
स्त्रियांसाठी ज्ञानदीप पेटविला सावित्रीबाईंनी
मराठा तितुका मेळविला संत रामदासांनी ५
साड्यांची राणी पैठणी महाराष्ट्राची आहे शान
नऊवारी साडी,नथ,धोतराचा कपड्यांमध्ये मान
थंड हवेच्या ठिकाणांचा जगभर सन्मान
तीर्थक्षेत्रे,अष्टविनायक आहेत महाराष्ट्राला वरदान ६
सह्याद्रीच्या पर्वरांगांमध्ये संस्कृती आहे वसलेली
शिक्षणाने सर्वांच्या मुखातून चांगली नावाजलेली
आमटे कुटुंब समाजसेवेचा वसा घेतलेले
सर्व जिल्ह्यांत संस्कृतीची भाषा ओथंबलेली ७
महाराष्ट्राच्या संस्कृतीला आहे पगडा
रूढी,परंपरा आणि अठरापगड जातींचा
त्यातच अंधश्रद्धा नि व्यसनाधीनतेच्या विळख्याचा
तरीही सुगंध दरवळतो मायमराठीच्या मातीचा ८
अशा दिमाखदार महाराष्ट्राची शान आपण वाढवूया
बहरलेले संस्कृतीचे दालन सर्वांनी मिळून फुलवूया
नवीन तंत्रज्ञानाने शिक्षणाचे महत्व वाढवूया
आणि जातीभेद, दंगेधोपे विसरून एकदिलाने राहूया ९