आनंदमय श्रावण

श्रावण मासाचे झाले आगमन

सरींची सोबती आली स्वारी

हिरव्या गार निसर्गाची बघा

ऐट कशी दिसतेय भारी।।

अवतरल्या धरेवर श्रावणसरी

आला फुलापानास बहर

मोहक कोवळ्या फुलांमधुनी

गंध चोरतो हळूच भ्रमर।।

रिमझिम पावसाच्या सरींतून

हळूच डोकावले ऊन कोवळे

श्रावणाचे वेध लागता मनी

सुरु झाले कडक सोवळे।।

कोसळणाऱ्या श्रावण सरींतून

फुलली आज नवी सकाळ

दवबिंदूच्या मोहक रूपातून

सजली पानाफुलावर माळ।।