आनंद-दान

पक्षी करिती चिवचिवाट 

उगवली ही रम्य पहाट

झाडांवरती गाणी गातात

कौतुकाने सृष्टीचे हे भाट

मन जाहले अतिप्रसन्न

दु:ख शमले , सरले दैन्य

ऐकताच हे सृष्टीचे गान

जीवन वाटले झाले धन्य

तरंगे मनीं सुखाची लाट

पक्ष्यांचा पाहून नृत्यथाट

आनंद भरे अती अंतरात

सुखदायी हा किलबिलाट

मानवा , घेई तू आत्मबोध

दु:ख विसरून सुखास शोध

चिवचिवाट हा मनाचा मोद

पक्षी देती संदेश सुबोध 

मन करावे थोर, महान

अंगिकारणे लहान, सान

ठेवा इतरांच्या सुखाचे भान

देव देईल सदा आनंददान