आंबा

कोकीळा गाते

कुहू कुहू गाणी

मोहोरला आंबा

माळच्या रानी

मोहोराच्या खोड्या

काढू नको रे वाऱ्या

मोहोराच्या बनू दे

खट्यामिठ्या कैऱ्या

कैऱ्यांच्या फोडींना

तिखट मीठ लावू

चटक मटक कैऱ्या

चवी चवीने खाऊ

कैऱ्यांना येवू द्या

झाडावरच पाड

पिकल्या आंब्यांनी

भरु दे सारे झाड

दगडांनी नका करु

कैऱ्यांना तुम्ही इजा

कैरी पिकता मिळेल

फळांचा गोड राजा

आंब्यांच्या कोयीला

मातीत पुन्हा पुरु

कोय रुजता मातीत

तग धरेल नवे तरु

 तरुला पाजू या रे

 काळजीने पाणी

 आंबा पुन्हा बहरेल

माळावरच्या रानी !