आम्ही झोपडीत राजे

भुकेला आनंद वाटे

या झोपडीत माझ्या

धन सोडून गेले

गोडवा भाकरीत माझ्या

ताटात गंध सुगंधी

मन शुद्धीच्या निशाण्या

सरणात भागीदारी

भिंती अशा दिवान्या

चिंता न वाहे फुकाची

आम्ही झोपडीत राजे

घेतो निद्रा सुखाने

पाहुनी महाल लाजे

नसे कधीच भिती

इथे चोर चपाट्यांची

तिजोरी भरून सांडे

शिगोर सौख्य चांदण्यांची

मुखी खिन्नता कुणाच्या

इथे कदाच नाही

प्रिती मोहरल्या सुखांची

माझी झोपडी ग्वाही