आमचा ही एक जमाना होता

बालपण आमचे मजेत गेले

आमचाही एक जमाना होता l

सगळ्याजणी रहायचो मिळून मिसळून

रुसवा फुगवा कधीच नव्हता l 1 l

नातेवाईकांची वर्दळ होती

सगळे कामानिमित्त यायचे l

भरलेले असायचे घर नेहमी

गोकुळच ते आम्हाला वाटायचे l 2 l

आई वडिलांनी शिकवले संस्कार

गुरुजींनी दिला शिक्षणाचा कानमंत्र l

मजा मस्ती केली भावा बहिणीसोबत

माणुसकीचे अनुभवातून कळाले तंत्र l 3 l

प्रत्येक खेळ मनसोक्त खेळलो

भांडलो कधी झाली कट्टी बट्टी l

शाळेत गृहपाठ केला नाही तर

गुरुजींच्या हातची खालली हातावर पट्टी l4

परिस्थिती होती बेताची तरी

खायला मिळायचा खाऊ खूप काही l

माणसांना होती माणुसकी तेंव्हा

बाजारात गेलो की पिशवी भरून येई l 5 l

टिंगल टवाळक्या केल्या

नावे ठेवली अनेकजणांना l

आठवणी अजूनही येतात बालपणीच्या

व्यक्त करते मनीच्या निर्मळ भावनांना l