आला श्रावण श्रावण

आला श्रावण श्रावण

आल्या पावसाच्या सरी

चिंब चिंब भिजूनी

शहारली ही खोल दरी...

आला श्रावण श्रावण

ऊन-सावलीचा खेळ

पावसाचा लागत नाही

कधी कधी मेळ...

आला श्रावण श्रावण

धरणी सजली नटली

हिरवाईने मुक्त न्हाली

पावसात चिंब भिजली...

आला श्रावण श्रावण

रानोमाळ फुलला

रंगीबेरंगी फुलांनी

पथ दुतर्फा सजला...

आला श्रावण श्रावण

माहेरवाशिण चालली

माहेरास जाताना हो

ती नवा शालू नेसली...

आला श्रावण श्रावण

हा मास आहे सणांचा

खूप खूप हर्षाचा

सार्‍याच माहेरवाशिणींचा...