आला पर्जन्यराजा!

सोबत घेऊनी मेघांचा वाजा 

गरजत बरसत आला पर्जन्यराजा

लख्खउनी व्योम सारे चपळ विजांनी

कृष्ण धवल मेघातून आली वर्षारानी!!

आकाशी आले ढग काळे 

गर्जनेने कडकड कडाडले

सुटला मधुर मंद वारा

अंगाला येई शहारा

काळेकाळे ढग पाहून मयूर राजा

आनंदाने नाची फुलउनी पिसारा !!

रपरप सपसप आला हा पाऊस 

ओहळ निर्झर नाले लागले वाहू 

बाल गोपाल सारे नाचुनी 

ओढ्यात लागले नावा सोडू 

पर्जन्याची सारी मौजमजा लुटुनी

चिंब चिंब भिजुनी पाण्यात नाहती !!

वर्षाराणीची सर ही थांबली

पश्चिमेला ही सांज खुलली

पिवळ्या तांबूस किरणांनी

सृष्टी ही सोनेरी झाली

सप्तरंगी साथ साथीला घेऊनी 

इंद्रधनु हा भरभर आला गगनी!!