आकाश चांदणी

बावरे जीव हा तुझ्या स्वप्नांनी,

छेडते ही मजला ती रातराणी...

तुझे कुठे ध्यान अन् कोठे मन 

कळेना तुजला माझे प्रित बाण

इशारे सारे नजरेचे ग ते राणी

घायाळ ह्रदय पाहते ग केविलवानी...//1//

नटुन सजुन पुढून जातेस रोज

शृंगार, नखरे, तुझा रुबाबी तेज

अंगाचे होते माझ्या पाणी पाणी

घायाळ ह्रदय पाहते ग केविलवानी...//2//

होईल चर्चा तुझ्या ग यौवनाची

हवी तुला साथ प्रित बंधनाची

लाला खुलली, बुंधा बांधुनी

घायाळ ह्रदय पाहते ग केविलवानी...//3//

नको ठुमकत चालू पायी पैजन

वाढते माझ्या 'दिलाची धडकन'

ओढ कसली झुरतो मी साजनी

घायाळ ह्रदय पाहते ग केविलवानी...//4//

साज सजवला मी लावणीचा

कहर केलास तुझ्या मनमनीची

चमचमती तू ती आकाश चांदणी

घायाळ ह्रदय पाहते ग केविलवानी...//5//