आजोबा

जरी असता वृद्ध अपंग

आजोबांची जिद्दच भारी

एक हाती सायकल धरुन

करती वनराईची ही वारी

दुजा हाती आधारासाठी

काठी टेकत निघेच स्वारी

तब्येतीची घेण्या काळजी

आजोबा फिरती राम प्रहरी

जीवनाचा मार्ग होई सोपा

करा व्यायाम चालण्याचा

शरीर मन तंदूरूस्त राहता

प्रकृती स्वास्थ्य राखण्याचा

नातवंडांना खेळविण्याचा

लागे त्यांना असा हा लळा

सायकल चालवित नेताना

शिकविण्याचा छंद आगळा