आजकाल

वेड्यासारखा वागतो आजकाल

कुणालाही चावतो आजकाल

ती नसतांना, आठवणीत तिच्या

गजरा जुना माळतो आजकाल

ऐकायला आवडायची जी लकेर तिला

पुन्हा - पुन्हा छेडतो आजकाल

कित्येकदा तुटले तरी, चैन ना

हृदय माझे सांभाळतो आजकाल

तिच्या असण्याचा सुगंध, ती नसतांना

कुपीत बंदिस्त ठेवतो आजकाल

फुटला होता मनाचा प्रेमआरसा

तेच तुकडे जोडतो आजकाल

पसरू दे सुगंध, बहरू दे झाड

प्रेमरोपटे हृदयी लावतो आजकाल