आजीची माया

 नवसाने मागीतलेस मला

पालन पोषण उत्तम केलंस

संस्काराचे बाळकडू पाजून

आजी तू मला सशक्त केलंस

सर्वाना प्रेमाने सांभाळते

वाटतो तुझा खूप आधार

लवकर ये बरी होऊन

तुझ्यावर असे प्रेम अपार

समस्त परिवाराचं चैतन्य तू

आम्हा सर्वांची तू मोठीआई

चल उठ लवकर बरी हो

आली बघ दसरा दिवाळी

फराळ, रांगोळी, दिवे, कंदील

बरीच करायची आहे तय्यारी

कितीदिवस राहणार तिथे तू

ये ना घरी लवकर मोठी आई

तुला ही नसेल करमत ना

काम न करता झोपून राहायला

ये आता नवी ऊर्जा घेऊन

जागं कर पुन्हा या घराला