आजी आजोबा

दादा दादीच्या गोष्टी ऐकायला 

नातवंडांचं नशीब लागतं 

नाना नानींच्या मांडीवर बसायला 

नातवंडांचं नशीब लागतं || 0 ||

आजी आजोबांसाठी दुधावरची 

साय असतात नातू नात 

सर्वस्व असतात नातवंड जशी 

जुन्या पणतीवरची नवी वात 

दादा दादीच्या सोबत हसायला 

नातवंडांचं नशीब लागतं 

नाना नानीच्या हातून खायला 

नातवंडांचं नशीब लागतं || 1 ||

सर्वात जास्त लाड करतात 

नातवंडांचं आजी आजोबा 

आजी आजोबांशिवाय 

घरालाही येत नाही शोभा 

दादा दादीच्या वर रुसायला 

नातवंडांचं नशीब लागतं 

नाना नानी सोबत खेळायला 

नातवंडांचं नशीब लागतं || 2 ||