आजची" गीता"
आजची" गीता"
तरुण भारत- केसरी- मराठा
जागीच पडली आहेत;
अन सिनेमाची पुस्तके
खिशात डोकावत आहेत.
सीत- सावित्री- अहिल्या
पुराणातील वांगी आहेत,
कैतरिना, सोनाक्षी, दीपिका
यांचा मात्र जप आहे.
धोती-बंडी-फेटा
यांना कुठे प्रवेश आहे?
कोट-टाय,सूट-बूट
यांनाच पहिली सलामी आहे.
अभंगवाणी-ज्ञानेश्वरीचा
आता कुठे काळ आहे?
अहो, आमच्या डोक्यात
डिस्कोची गाणी आहेत.
अभ्यास करायला वेळ नाही
शॉर्टकट्चा काळ आहे;
टेक्स्ट बाजारात मिळत नाही
गाईडचा मात्र सुकाळ आहे.
बापूजींची शुद्ध खादी
हिला कुठे मागणी आहे?
टेरिलीन-टेरीकॉट यांचा
सर्वत्र सन्मान आहे.
गीता-वेद-उपनिषदे
सारे सपाट आहेत;
"आय लव्ह यु" हे
मात्र तोंडपाठ आहे.
अहो, तुम्ही म्हणाल
ही काय कविता आहे?
देवाशपथ सांगतो, हीच
आजची" गीता" आहे.