आजचा विषय - नातं मैत्रीचं

 नातं मैत्रीचं तुझं माझं

 जमलाय मैत्रीचा मेळ

 सखी तूच माझी मैत्रीण

 खाऊया एकत्रच भेळ

 राहू दोघी एका जीवाने 

 प्रेममाया देऊ आणि घेऊ

 जिव्हाळ्याचे नाते आपले

 प्रेमद्विप मैत्रीचाच हा तेवू

 बोल प्रेमाचे बोलूया सखी

 नको मैत्रीत काही खोडा

 गुंफू माळ अतूट या मैत्रीची

 नाती मैत्रीचीच सारे जोडा

 फुलवू या हे नातं मैत्रीचं

 पसरू दे सुगंध युगांतरी 

 कळू दे मैत्र मनामनातील

 सर्व मानवांना वसुंधरेवरी