आजचा विषय- माझा बाप शेतकरी

बाप माझा बळीराजा 

दुष्काळाची त्याला सजा

भेगाळली भुई सारी

बळीराजा चिंता करी 

पर्जन्याची नसे छाया

काळी आई देई माया

येवू देत मृग सरी 

तापे ऊन डोईवरी

रानामध्ये बीज पेरी

कर्जापायी येई दारी

बळीराजा धास्तावला

पर्जन्याला आसावला

कसे पोसू कुटुंबाला

काय सांगू लेकराला

नको असा व्यर्थ रडू 

धीर आता नको सोडू

होईल ही धरा ओली 

जलधारा येता खाली

आले फुटू आता कोंब 

न्हाऊ देत धरा चिंब