आजचा विषय- एक आठवण
आजचा विषय- एक आठवण
आज आली एक आठवण
बालपणींच्या मस्त गमतींची
खेळायचो नानाविध खेळही
अल्लड अवखळ संगतींची
चिंध्यांचा चेंडू लाकडी फळी
गल्लीतली ती क्रिकेट कबड्डी
आट्यापाट्या आणि लपाछपी
अंगात असायची फाटकी चड्डी
पार्टी असायची कांदयाचीभजी
चव त्याची न्यारीच वाटायची
पिझ्झा पास्ता बर्गर चायनीज
आवड निवड काहीच नसायची
खावेप्यावे खेळुन मस्त हुंदडावे
जीवनाचे ध्येयच नव्हते ठरलेले
शाळेत जावे नि अभ्यास करून
निष्पाप निरागस जीवन उरलेले
कचकड्याच्या गोट्या विटीदांडू
स्वस्तातलीच असायची खेळणी
शाळेच्या दप्तरात त्या सापडता
खायचो बाबा नि सरांची बोलणी