आज हा ही एक प्रश्न..!

कधी वागशील माणसा तू माणसासारखा

कधी सोडशील मोह तो सट्टा जुगाराचा

मुलं तुझ्याकडे पाहतात आधारासारखी

कधी सोडशील माणसा रे मोह दारूचा 

मुलं वाट पाहतात फुलपाखरासारखी

आता तरी लाग तू मनापासून कामाला 

मुलं हिंडतील भविष्यात कुत्र्यासारखी

नको करू त्यांच्यासमोर आत्महत्येची तू बाब

जीवाचे रे त्यांच्या जणू तुकडे पडती

नको बुडू तू रे समुद्रामध्ये रे दुःखाच्या

परिवार उभा आहे तुझा किनाऱ्यावरती

असा देशील तूच जर धीर तो सोडून

त्यांचा धीर कुठे जावा कुणाच्या चरणावरती

जर विचार तू कर त्यांच्या भविष्याचा तरी

पंख तुटतील त्यांचे ती रे पाखरासारखी

नको धरु रे माणसा तू रे वाईट संगत 

तुझ्या मुलांकडे बघ तुला आदर्श मानती 

नको करू त्यांच्यासमोर बायकोला शिवीगाळ

तुझ्यासोबत मुलेही वाम मार्गाने रे जाती

बाप आला नाही अजून कसा मुले चिंतेत राहती

लक्ष्य तुझ्या जिवामध्ये डोळे वाटेत ठेवती

कसा आला नाही बाबा वाट सारे ते पाहती

माय माऊलीसमोर घर शिरावर घेती

युवा आहार तू अजून तुझ्या मुलांच्या पिढीचा 

का रे वागणूक तुझी वय संपल्यासारखी

नको तोडू धीर माझ्या मायमाऊलीचा तरी

तुझ्या साथीने ती आधी किती बलवान होती

तुझ्यामुळेच या दिवसाची सुरुवात होते 

कारे बायकोच्या सहनशक्तीचा अंत तू पाहसी

एक घराची रे आणली तू तुळस तोडून

तू रे तिला उपटून फक्त राहू दिली माती

अरे का हे पुन्हापुन्हा तू रे विसरून जातो 

एके काळी तुझ्या घराची रे लक्ष्मी ती होती

आधी म्हणाला तू तिला पाठवू संसाराचा गाडा 

वचन दिले तू हळूच हात हातात घेऊनी

थोडी लावली ताकद जणू गेला तू थकुनी 

दिला संसाराचा गाडा तिच्या हातात सोडुनी

डोळ्यात तू तिच्या किती विणले रे स्वप्नं

झाले उध्वस्त ते सर्व गेली आसवं राहुनी

आता तरी वाग माणसा तू माणसासारखा

करतो रे तुला मी आता एक विनवणी 

कर नव्याने सुरुवात तिला वचन देऊनी

हाकू संसाराचा गाडा पुन्हा हात हातात घेऊनी...!