आईच्या छायेत

आई

वात्सल्यसिंधू माऊली

जशी विधात्याची सावली

घडवी आम्हां संस्काररुपी पदराखाली

आई

त्यागाची मूर्ती 

लेकरांच्या सुखी आयुष्यासाठी

तन-मन-धन अर्पण करी

आई

तेवणारी ज्योती

सत्य-यशाच्या तेजोमय पथावरी

नेई आम्हां उत्कर्षाच्या वाटेवरी

आई

देतेस स्फूर्ती 

आदर्श जीवन जगण्यापरी

करण्या दुःखाला सामना हर्षुनी

आई

विसरु कशी

मी कायमची ऋणी

जन्मोजन्मी जन्म घेईन तुझ्या उदरी