आई

सावलीसुद्धा आपली साथ

सोडते ना जेव्हा

खरंच सांगते आई

खूप आठवण येते तेव्हा...

तुझ्या कुशीत असताना ना

भीती कधीच नसायची

तुझ्या मायेच्या पदराआड

ती लपूनच बसायची...

पण...

एकट्या पडल्या पिलाचं या

आई मन जेव्हा दुखतं ना...

कुणी नसतंच त्याचं

प्रत्येकाचंच जग वेगळं असतं ना..?

आई गं... वाटतं खूप खूप

तू जवळं जरा घ्यावं

तू एकटी नाहीस बाळा

तू बळ मला द्यावं...

तुझं माझं नातं आई

नाळेमधुन जुळलेलं

म्हणूनच का मन माझं

तुलाच फक्त कळलेलं..?

आत्तासुद्धा आठवण तुझी

पण तूच येत नाहीस...

चुकलं असेल हे वेडं बाळ

तू मिठीत घेत नाहीस...