आई

जसे आषाढी वारीत चालावे

तसे मी ८४ लक्ष योनी फिरलो

आणि तुझ्या उदररूपी गावात

पंढरपुरात मी दाखल झालो

माझ्या या वाटचालीमध्ये

मजकडून पाप झाले तर

चंद्रभागेत स्नानाने पापमुक्त होते

तसे मला तु पापातून मुक्त कर

मी जेंव्हा जगात आलो तेव्हा

रुख्मिणी मातेच्या दिव्य स्वरूपात

प्रथमतः तूच दिसलीस मला

प्रसन्न चेहरा खूप आंनदात

तू म्हणजे तुकारामाची अंभगवाणी

तू म्हणजे संगीतातील रागिणी

तू म्हणजे शुद्ध पावसाचे पाणी

तू माझ्यासाठी आहेस जीवनगाणी