52आठवडे लिखाण आव्हान स्पर्धेसा

आयुष्य म्हणजे आणखी

वेगळं असं काय असतं,

समोर येणा-या संकटांचा

निर्भिड सामना करायचं असतं.

दु:खानंतर आनंद मिळतो

याच आशेवर जगायचं असतं,

प्रेमळ नाती माणुसकीने जपत

आपलं जीवन गुजरायचं असतं.

मनाच्या होणा-या फरफटीवर

संयमाचं पांघरुन घालायचं असतं,

दुस-याच्या सुखात आनंद मानून

दु:खातही सुखाला शोधायचं असतं.

सर्वच मनासारखं नसतं होत, हे

जाणून पुढं चालायचं असतं,

हाव करत कशाच्याहीमागे

वा-यासारखं धावायचं नसतं.

आपल्या अनावर भावनांना

बंधनाचं लगाम घालायचं असतं,

मनास असह्य वेदना देणा-या 

जखमांना विसरायचं असतं.

दु:खाशिवाय जीवन म्हणजे

केवळ एक शुन्यच राहतं,

म्हणूनच दु:खांनाच आपण

आपलसं करायचं असतं.

आठवणींच्या साठवणीत

सुख दु:खांना स्मरायचं असतं,

आयुष्य म्हणजे सांगा! आणखी 

वेगळ असं काय असतं ?