ಅಂಗೈಯಲ್ಲಿ ಬಿದ್ದ ನಕ್ಷತ್ರ

ಅಂಗೈಯಲ್ಲಿ ಬಿದ್ದ ನಕ್ಷತ್ರ

ಕ್ಷಣ ಹೊತ್ತು ಕೂತು

ಸುಖವ ಉಣಿಸಿ

ಮತ್ತೆ ಹಾರಿದ್ದು ಬಾನ ಗೂಡಿಗೆ

ಈಗಲೂ ನೋಡುತ್ತೇನೆ ಅಷ್ಟೇ

ಸುಖವ ತಾಗುವ ಅನುಭವ ನನಗಿಲ್ಲ

ಮರೆಯಲಾಗುತ್ತಿಲ್ಲ ಕೂತೆದ್ದ ಜಾಗ

ಕಾಡುತಿದೆ ಅದು ಸಿಹಿ ಕ್ಷಣದ ಹೊತ್ತು !

ಶಬರಿಯಂತೆ ಕಾದೆ

ಆಗಸದತ್ತ ಮುಖ ಮಾಡಿ

ಸುಕ್ಕುಗಟ್ಟಿದ್ದ ವು ಅಂಗೈ ಗೆರೆಗಳು

ಕಂತು ಕಂತು ಲೆಕ್ಕದಲಿ ಮಾಗಿ

ಚುಕ್ಕಿಗೆ ಮಾತ್ರ ಮುಪ್ಪು ಆವರಿಸಿದೆ

ಬೆಳಕು ಹಾಗೇ ಇತ್ತು ಕಣ್ಣಲ್ಲಿ !

ವಯಸ್ಸಾದ ಕಣ್ಣುಗಳಿಗೆ

ಮಂಪರು ಬಂದು ಕೆಂಡವಾಗಿದ್ದು ನಕ್ಷತ್ರ

ಅನಿರೀಕ್ಷಿತ...!

ನನ್ನಲ್ಲೇ ಉಡುಗಿದೆ

ಕೆಂಡದಂತಹ ಅನುಭವಗಳು !

ನಾನೇಕೆ ಅಂಗೈ ಸುಟ್ಟುಕೊಳ್ಳಲಿ ?

ಅಂಗೈಯಲ್ಲಿ ಬಿದ್ದ ನಕ್ಷತ್ರವೇ

ಬರುವುದಾದರೆ ಬರಲಿ

ಸದಾ ಸ್ವಾಗತ !!