संकट मोचन हनुमान

          (वर्ण संख्या -12)

जय  हनुमान  महाबली  प्रभू

संकट मोचन नावच से  तोरो |

आयीसे  संकट   येन  धरापर

कष्ट हरो प्रभू  सब दुख  टारो ||१||

शक्ती लगी  जब  लछमन पर

आन संजीवनी बचायेस जान |

तसोच बचाव कोरोनाग्रस्तला

देयके उनला  जीवन को दान ||२||

अंजनी  पुत्र   पवन  सुत  प्रभू

राम  काजसाती  राक्षस मारेस |

तसोच अदृश्य  कोरोनाला मार

आपलो भक्तकी जिंदगी तारेस ||३||

जित देखो उत कोरोनाको डर

असो  बेरापर   तोरोच आधार |

जय  महावीर   संकट  मोचन

तुच  भयमुक्त   करजो  संसार ||४||

कोरोना ग्रसित  मोरा टुरा टुरी

जल्दीच करजो उनला तू बरो |

येन संकटमा  आमला दे  धिर

देखावजो तोरो चमत्कार खरो ||५||

सुरक्षा  कवच  देय  महाप्रभू

वैरीलक रक्षा  आमरी करजो |

बिनंती करसे  तोला गोवर्धन 

आया  संकट  लवकर हरजो ||६||