ભક્તિ

ભક્તિ 🌿 — એક અભિયાન

 એક વખતની વાત છે... અંતરિક્ષના એક ખૂણે ધ્રુવ તારો ઝળહળતો હતો — ભગવાનનો અડગ ભક્ત, એક ચમકતો દિશાદર્શક તારલો. જેમ તેણે બાળપણમાં જ તપસ્યાથી વિષ્ણુ ભગવાનના આશીર્વાદ મેળવેલ હતાં, તેથી આજ સુધી અડગ રહ્યો.

 પરંતુ અનેક યૂગો પછી પૃથ્વી માતા દુ:ખી થઈ — નદીઓ પ્રદૂષિત, વૃક્ષોની હત્યા, પર્વતોનો વિનાશ, અને માનવજાત લાલચમાં પૃથ્વીને ખાલી કરતી રહી.

 પૃથ્વી માતા ધ્રુવ તારાને વેદનાભર્યા સ્વરમાં બોલી:

 "પુત્ર ધ્રુવ, તું તો ભગવાનના ભક્ત તરીકે અડગ રહ્યો. જો આજના બાળકો પણ તારી જેમ અડગ બની મારી સેવા કરે , તો મારી મદદ થઈ શકે."

 ધ્રુવે માતાની પીડા મહેસૂસ કરી. એણે વિષ્ણુના ચરણોમાં ધ્યાન લગાવ્યું —

પ્રભુ "મને સ્થિરતા મળી છે, પણ શું હું નિષ્ક્રિય રહી ચૂપ રહી શકું જયારે માતૃભૂમિ સંઘર્ષ કરી રહી છે?"

 વિષ્ણુએ દર્શન આપ્યા

 — "ધ્રુવ, તું તો પ્રકાશનો તારો છે. તું માત્ર ઝળહળ  ટમકતો જ નહીં, ભૂલેલા ને દિશા પણ આપી શકે."

 ત્યાંથી ધ્રુવે સંદેશ મોકલવાનું શરૂ કર્યું

— "પૃથ્વી બચાવો." એનો પ્રકાશ દરેક બાળકના સપનામાં પંહોચતો, તેને કહી જાય —
 "તારાની જેમ અડગ બન. પર્યાવરણ માટે દિશા દર્શાવ."

 🌱 બાળકો જાગ્યા... - કોઈએ પ્લાસ્ટિકનો ઉપયોગ બંધ કર્યો - કોઈએ વૃક્ષો વાવ્યા - કોઈએ કપડા અને રમકડાં દાન આપ્યા.

  દરેક બાળક ધ્રુવની જેમ દીપક બન્યો — હરતો ફરતો તારલો, ભક્તિથી ભરેલો, સંસારમાં ઉત્સાહ ફેલાવતો.

 પૃથ્વી માતાના આનંદના આંસુ વાદળોમાં રૂપાંતરિત થયા, વરસાદ બની, જીવનથી ચમકતી સૃષ્ટિ ફરી જીવંત થઈ.

 અને ધ્રુવના ચહેરા પર શાંતિ છવાઈ

 — તેણે અડગ ભક્તિનો પરિચય ભલે તારાના રૂપમાં આપ્યો, પણ પૃથ્વી માટે અભિયાન શરૂ કરીને તેની ભક્તિને નવો અર્થ આપ્યો. --

- 📖 શિક્ષા:

 "કોઈ બીજું કરી લેશે" એ વિચાર છોડી દો. શરૂઆત તમારાથી થાય — કેમ કે તમારામાં ધ્રુવ છે. અડગ રહો, દાયક રીતે શ્રદ્ધા રાખો, અને પૃથ્વી બચાવો. ✨ તમે થઈ શકો છો

— ધ્રુવ જેવા ભક્ત, દિશાદર્શક, અને પૃથ્વી માતાના રક્ષક.