યની(પિયુ)જીતનો હાર!
યની(પિયુ)જીતનો હાર!
સજવું, શણગરવું ગમે છે !
આ દેહને નેહ, આમ કરવો ગમે છે !
માંગ ટીકો સોહાય છે,
અનેરી નકશી ભાતનો !
નયનરમ્ય રુપેરી રુપનો સંગી,
એ તો ચાંદસમ જાતનો!
સજવું...
ભ્રમરોની મદ્યે તેજોમય તેજની,
જડેલી રંગીન આ બિંદીયા !
ઈન્દ્રધનુષી લાગ્યા રંગો,
સ્વપ્ન ભરેલી થઈ નીંદિયા !
સજવું...
નયનો કાળી કાજળે અંજાયા,
અશ્રુ સારી પછી ઠંડકે મ્હાલ્યા !
આ જગમહીંના અંધારે,
તિરછી નજરે જ સ્નેહઝરણ ઝાલ્યા
સજવું...
આ ચમકતી નથ તો છે,
પ્રતિક ઝળહળતું સ્વાભિમાનનું !
સજે એ તો 'સ્વ'માં જ મોહક,
ન ઝેલે એ કોઈનો વાર અભિમાનનું !
સજવું...
કાનની બાલી તો છુપાઈ જાય,
એવી છાનીમાની સુંવાળા કેશમાં !
મધમીઠા હોઠે મીઠી બોલી બોલતી,
મર્યાદા જેમ કેશ પર ઓઢેલી ચુનરીયા વેશમાં !
સજવું...
ભાગ્યહસ્તની કર્મરેખા તો,
રંગીલી રંગી છે નખરંગી !
ને કડા-ચુડિયોના ખનકતાં ખણ ખણ,
ઝણકારથી લખ-લખરંગી !
સજવું...
પાયલના ગુંજે ગુંજતી સંપુર્ણ,
રળિયામણી દિસે અપ્રતિમ સૌંદર્યવાન નાર !
વસ્ત્રે પ્રીતના આભલે ગુંથેલી કળા જેવી,
જોતી રાહ આંગણે બેસી એ શમણે,
પ્રિયની(પિયુ)જીતનો હાર !
સજવું, શણગરવું ગમે છે !
આ દેહને નેહ, આમ કરવો ગમે છે