વાંચનજ્ઞાન

વાંચ્યાં ગ્રંથો, પુરાણો, ઉપનિષદો, ગીતા,

બન્યા આપણે આપણા ભાગ્ય વિજેતા.

જ્ઞાની લોકો થયા ઘણા મહાન,

વાંચીને જ આવ્યું ભાન ને જ્ઞાન.

ખલો, દુષ્ટો, નીચ લોકોએ જ્યારે અજ્ઞાનીઓને ડૂબાડ્યા,

વાંચનથી જ્ઞાન વધારીને જ તો એ પાપીઓને ભગાડ્યા.

વાંચનથી પરીઓ સાથે પરીલોકની મજા માણી,

તો કુરુક્ષેત્રમાં પાર્થરથી કૃષ્ણની વ્યથા પણ જાણી.

અસફળ લોકોએ વાંચીને જ્યાં ગઢ બનાવ્યા,

સફળ લોકોને ન વાંચીને પોતાના રાજ ડૂબાડ્યા.

તો મિત્રો, દરરોજ વાંચો, શીખો, નવું જાણો,

અને બસ થોડા જ સમયમાં જીવનની ઊંચાઇઓ માણો.