આઝાદી

મળી આઝાદી આજે,

એક બંધનમાંથી,

લેવાયા થોડા શ્વાસ,

મુક્તિ બંધનમાંથી,

પૂરો કર્યો એક પડાવ,

જીવન બંધનમાંથી,

આરામ મળશે હવે,

છૂટ્યા બંધનમાંથી,

કેટકેટલી મર્યાદાઓ,

હતી એ બંધનમાં,

કેટકેટલા સમાધાનો,

હતા એ બંધનમાં,

જીવન હતું કે શ્વાસ બસ,

લીધા એ બંધનમાં,

લાગ્યું કે બસ સમય,

પસાર થાય છે બંધનમાં,

આજે જ્યારે મોકો મને,

મળ્યો છે છૂટવાનો,

મન શાંત થયું ને,

સમય મળ્યો વિચારવાનો,

ખ્યાલ આવ્યો કે,

આ જ પરમ સત્ય છે,

બંધનો જ માનવજીવનનું,

પરમ ગંતવ્ય છે.