Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

માનસી પટેલ "માહી"

Romance Inspirational

4  

માનસી પટેલ "માહી"

Romance Inspirational

તું કરી શકીશ ?

તું કરી શકીશ ?

1 min
408


જેવી છું જેમ છું મને સ્વીકારી શકીશ ?

અર્ધાંગિની બનાવી અપનાવી શકીશ ?


કરવાચોથના વ્રતકરી ભૂખી હું રહી લઇશ,

બદલામાં તારા હાથે કોળિયો આપી શકીશ ?


રોજ નવોઢાની જેમ સજીને રાહ તારી જોઇશ,

આવતી વેળા માત્ર એક ગજરો લાવી શકીશ ?


ખૂબ ચંચળ છું હું સાથે સાથે કમજોર પણ,

બોલ મારો આધાર થઈ મને સાચવી શકીશ ?


નહિ માંગુ કદી કિંમતી ભેટસોગાત તારી પાસે,

બસ તારી બાહોમાં ગાઢ આલિંગન આપી શકીશ ?


જિંદગીની દોડાદોડીમાં ગુમાવું મારુ સંતુલન ત્યારે,

તારા ઉભરાતા ગરમ શ્વાસે સ્થિર કરી શકીશ ?


નહિ કરૂ હેરાન તને તારી વ્યસ્તતામાં કદી બદલામાં,

બસ થોડો સમય મારોને માત્ર મારો કરી શકીશ ?


મારી નાદાનીને જો ના છોડું જીવનભર તો શું,

મારી જેમ તું'ય બાળક થઈ ઝૂમી શકીશ ?


દરિયાની ભીની રેત તારા ખભે માથું મારુ હોય,

આ નાનકડા સ્વપ્નને કાયમ જીવંત રાખી શકીશ ?


મારે તો જીવન વિતાવવું આ શાંત સ્વપ્ન સાથે,

એય તું મારી લાગણીઓની હકીકત બની શકીશ ?


ઘડપણમાં પણ ચાલવું એકેક પગલું સંગાથે વાલમ,

કેડેથી વળેલી હોઇશ હું ત્યારે ટેકો મારો બની શકીશ ?


દુનિયાના રિવાજોથી પર થઈ અનંતગણ પ્રેમ કરું હું,

બસ આ પ્રેમનો જવાબ તું પ્રેમથી આપી શકીશ ?


શુ તું'ય મને આમ પ્રેમ કરી શકીશ ?


Rate this content
Log in

Similar gujarati poem from Romance