તપાસીને

તબીબો પણ ગયા થાકી હવે જોને તપાસીને,

કરી શકતા નથી એ દૂર મારી આ ઉદાસીને,

ભલે જીવન ગમે તેવું હો તારે જીવવું પડશે,

અહીંથી આ બધું છોડીને ક્યાં જાશે તું નાસીને,

હૃદયનું મારું આ દુઃખ ના થયું ને દૂર જોઈલો,

ફકત એ તો મટાડી આપશે તમને તાવ- ખાંસીને,

બધા કે છે કે આ તકદીરનો બસ ખેલ છે સઘળો,

અને તમને ખબર છેને કે ક્યાં માનું હું રાશીને,

તબીબોને કહી દો ને ન મારે માથું ત્યાં "સંગત "

બચાવી નહિ શકે એ કોઈ રીતે પણ પ્રવાસીને.