તોય નથી
તોય નથી
1 min
182
ઝોકું મચ્છર નથી, તોય મરાઈ જાય છે
આંખો તળાવ નથી, તોય ભરાઈ જાય છે !
ઈગો શરીર નથી, તોય ઘવાઈ જાય છે,
દુશ્મની બીજ નથી, તોય વવાઈ જાય છે !
પૂર્વગ્રહો દોરી નથી, તોય બંધાઈ જાય છે,
વિચારો માછલી નથી, તોય ગંધાઈ જાય છે !
હોઠ કપડું નથી, તોય સિવાય જાય છે,
કુદરત પત્ની નથી, તોય રિસાઈ જાય છે !
બુદ્ધિ લોખંડ નથી, તોય કટાઈ જાય છે,
માણસ હવામાન નથી, તોય બદલાઈ જાય છે !
જિંદગી ટાયર નથી, તોય ઘસાઈ જાય છે,
દુર્ઘટના કવિતા નથી, તોય સર્જાઈ જાય છે !