તો સામેથી વાર કર

મર્દ બચ્ચો હો તો સામેથી વાર કર,

છૂપી છૂપીને પીઠ પીછે વાર ન કર!

દુશમની પણ યાર તું જાતવાન કર,

શિયાળવા સમ તું લુચ્ચાઈ ન કર!

સાંભળ્યું છે દુશમનીનું સદ્ ચરિત્ર,

દુશમનીનું'ય આમ સ્તર નીચું ન કર!

જગે નોંધ ક્યાં લીધી મગતરાઓની,

દુશ્મનીની ને છાજે એવું તું વર્તન કર!

હજાર લાંઘણ પણ સિંહ તૃણ ન ખાય,

તૃણ ખાઈ સિંહત્વને તું બદનામ ન કર!

લડવું જ હો તું તારે આવી જા એકલો,

કાયર બની અવર સહારો લૈ વાર ન કર!

લડવું જ હો તો ખુલ્લે આમ કર લલકાર ,

કાન્તાસુત કહે શકુની સમ તું કપટ ન કર!