તેજગતિ

પળ પળ આગળ ભાગે સમય

જિંદગી 'ને સમય ન કદી બંધાય,

ઉઠતાં જ ન પ્રભુદર્શન થાય

પહેલા ઘડિયાળ સન્મુખ થાય 

ના શાંતિથી ચા-નાસ્તો સવારે થાય

ન કુટુંબ સાથે સવાર મણાય

મોટા વરંડામાં કોયલ ટહૂકે

અકબંધ અખબાર ન વંચાય 

મોબાઇલ પર મેસેજ વંચાય 

ના ચહેરાના હાવભાવ કળાય

પળ પળ આગળ દોડે જિંદગી

મંઝિલે પહોંચતા જ હાંશ થાય

શ્વાસ પર હાંફના વળ છે ચડયા 

મનથી રોજ જીવન ન મણાય

ફરી એ જ દોડાદોડ સાંજ પડે

 ઝટપટ ઘરે પહોંચી જવાય

ન લાગણીનું સ્થાન સોમથી શુક્ર

થાક ઉતારવામાં શનિ રવિ જાય.