તારા વિનાનાં શહેરમાં

આજે અધૂરી હું;

તારા વિનાનાં શહેરમાં,

એકલી કરું સફર;

તારા વિનાનાં શહેરમાં !

વસંતની બહાર અધૂરી;

તારા વિનાનાં શહેરમાં,

મેઘની પહેલી તે,

બૂંદ નો સ્પશૅ ફીક્કો;

તારા વિનાનાં શહેરમાં !

ક્ષણક્ષણ વિખુટી હું;

તારા વિનાનાં શહેરમાં,

પ્રિતનો પાલવ મંદમંદ લહેરાય,

તારા વિનાનાં શહેરમાં !

આભ અંગાર વરસે

ને ધરતી ધગધગ થાય;

તારા વિનાનાં શહેરમાં,

દરેક સાંજમાં એક ખાલીપો;

તારા વિનાનાં શહેરમાં !

કેમ જાણે હું જીવતા શીખી ગઈ;

તારા વિનાનાં શહેરમાં…!

આજે અધૂરી હું;

તારા વિનાનાં શહેરમાં.

એકલી કરું સફર;

તારા વિનાનાં શહેરમાં !